Panaghoy.....

Iyong matamis na halik at banas ng iyong yakap

Umulan man o umaraw aking hinahanap-hanap

Ang malumanay mong tinig sa pandinig ay kay sarap

At sa tuwing kasama ka walang humpay ang ligaya

Pero sa isang iglap lang ligaya’y nawalang bigla

Buhay lumumbay, tumamlay nang ika’y sa aki’y nawala

Ng sumakabilang- buhay at ika’y lumisang tunay

Sa langit ika’y pumunta, iniwan mo akong bigla

Linisan akong di handa, di sanay na ika’y wala

Ang nagbibigay ng saya sa buhay ko ay wala na

Ang sandaling masasaya nawala ng parang bula

Maligayang alaala sa puso ko’y nakatira

Kaibigan kong minamahal saan ka man naroroon

Sana ay naririnig mo panaghoy ng aking puso

Nananabik nauuhaw pag-ibig at kalinga mo

Sana’y kahit ika’y nariyan na-iisip mo rin ako . . . .